11- Miaraka kanefa mifanalavitra be!

Mety ve ny miaraka kanefa mifanalavitra ve ny toerana ?

« …Bonsoir ianareo ! Saika mba hanotany fotsiny zah, ry zoky hoe, mety ve kay izany olona 2 miaraka nefa tena mifanalavitra be mihintsy ny toerana ? misaotra , dia bonne nuit ianaero… »

Izay no fanotaniana nalefan’ny namantsika anakiray, ka izao no mety ho valiny….

Anisan’ny olana sedrain’ny mpifankatia ny fisarahan-toerana, Ny hilazàna hoe mety ve sa tsy mety ve izany dia miankina aminareo na ny anakiray aminareo roa ihany ! 

Raha olona nivahiny teo aminao no niarahanao kanefa tsy maintsy hiverina any an-tany lavitra misy azy izy, dia hoy aho hoe « ho sahirana ianareo », fa « nankatia vahiny hono, ka mbola tia dia ilaozany » (Ohabolana Gasy io). Ny fiarahana dia dingana iray hifankafantarana sy hanomanana ny tokatrano, ahitana fifampiresahana, fifanampiana sy fifankafantarana ary fifampikasohana ihany koa… koa raha lavitra be ny elanelana dia « malaza tsy ihinana toy ny vilian-tsahona » fotsiny ilay fiarahana, tsimaintsy hisy anakiray ho matiantoka eo, na ianao na izy !.

Raha efa niaraka elaela saingy tratry ny « fisarahan-toerana mandalo », izany hoe nandeha kely izy fa tsimaintsy mbola hiverina….

Raha izay indray dia akao tsirony tsara ny fisarahan-toerana , ary kolokoloy tsara ny fifandraisana (antso antarobia, sms, email, taratasy sns) fa raha tsy izay dia ho sahirana kokoa ianareo rehefa mifankahita indray, tahaka ireny olona vao hifankalala indray.

Fehiny :

Ilaina ny mifankahita sy ny mifandray matetika raha vao mpifankatia, ilaina amin’ny firoboroboan’ny fitiavana sy ny fizahan-toetra io, ka raha vao miandoha ny fitiavana no misy avy hatrany ny fisarahan-toerana dia tena fahavoazana lehibe tokoa izany, ho sarotra ny fikolokoloana ilay fitiavana.

Raha efa niaraka ela kosa (ka mifankalala tsara) nefa tratry ny fisarahan-toerana mandalo » (marihiko tsara hoe « mandalo ») dia ilaina ny mitana ny dina sy ny toky izay nifanomezana, fa tsy mety ny manambàka na mamitaka ny olon-tiana. Lasa sedra tsimaintsy lalovana ilay fisarahan-toerana, ka ho « fety be » ny fifankahitana ref veo !

Jesosy.Kristy aza  mba maika sy dodona te hiverina eny amin’ny rahon’ny lanitra hampiakatra ny fiangonany fa tsy zakany  loatra ity fisarahan-toerana amintsika ity