NY ANDININDININY MIKASIKA NY JNJA 2012

1.    Inona izany hoe JJA? Ny JJA (Journée des Jeunes Apocalypse) na andron'ny tanora Apokalypsy,dia hetsika lehibe anakiray izay natomboka teto Antananarivo tamin'ny 20 Nov 2011 tao Analamanga Parc, 700 isa ireo tanora tonga nanatrika tamin'io hetsika voalohany natao io. 2.    Inona izany hoe JNJA? Amin'ity taona 2012 ity dia iandreketan'ny Nasionaly Sampana Tanora ny fikarakarana ny JJA ka nanjary hoe JNJA no iantsoana azy, izany hoe natao ho Nasionaly ny hetsika amin'ity taona 2012 ity, mba ahafahan'ireo tanora Apokalypsy marenana ny nosy handray anjara feno. 3.    Inona no tanjon'ny hetsika? Firaisan-kina sy fitiavana, fifandraisan'ny samy tanora Apokalypsy manerana ny nosy, ary fotoana hialàna voly sy hifaneraserana ihany koa, hifampaherezana sy hifampitàna traikefa. 4.    Iza avy no mpandray anjara amin'ity JNJA 2012 ity? Ny zatovo sy ny tanora rehetra feno 15 taona manerana ny nosy , na mpikambana rantsana skoto na oliva izy na tsia, rehefa mpikambana Apokalypsy (resy lahatra F.A.M) dia afaka mamonjy ny JNJA avokoa. 5.    Aiza no atao ny JNJA ary rahoviana? Ao Antananarivo no atao ny JNJA 2012. ary ny 05 – 06 – 07 – 09 Septambra 2012 izao 6.    Inona avy ny zavatra hisy mandritra izany hetsika izany? Hetsika ara-kolontsaina toy ny festival , fampisehoana sns Hetsika ara-panatanjahantena: foot, basket, sns Fialamboly : fitsangatsanganana Seminera lehibe hoan'ny tanora loha-hevitra "Ny tombam-bidin'ny Tanora Apokalypsy 7.    Inona no takiana amin'ny mpandray anjara: Baiboly, fitaovam-panoratana, lamba firakotra, fitaovam-pidiovana vary 3kg isan'olona vola 60.000 fmg na 12.000 Ar >Manomboka ny andron'ny 05 septambra no raisina an-tanana ny mpandray anjara rehetra. 8.    Inona no tokony hatao dieny izao? Samia mandrafitra ny lisitry ny tanora izay handeha isam-piangonana ianareo mpiandraikitra, ahitana ny anarany, ny taonany, ary ny adiresy sy n* tel raha misy , mariho na lahy na vavy. (asiana sonian'ny filoham-piangonana nihaviana ilay lisitra) Alefa aty amin'ny foibe FAM, mialohan'ny Talata 31 Jolay (daty farany)  ny  lisitr'ireo mpandray anjara isam-piangonana, Asio fanamarihana hoe "JJA 2012 –lisitra fiangonana nihaviana." Tanora eo amin'ny 1500 isa manerana ny  nosy no hoavy amin'io fotoana io, koa samia mifanentana sy mifampilaza, ary miomana dieny izao ! Aza hadino : Ny 31 Jolay 2012 no farany fandraisana ny lisitry ny tanora misy ny anarana sy ny fiangonana niaviana avy aty amin'ny faritany Hisy Tshirt, Casquettes sns azo vidina hatao fahatsiarovana !! Zoky Andry

Journée National des Jeunes Apocalypse

Tonga indray ity ny fotoana ihaonantsika tanora Apokalypsy rehetra manerana an’i Madagasikara. Hanomboka ny 05 Septambra 2012 ho avy izao, ary tsy hifarana raha tsy amin’ny 09 Septambra 2012 ny JNJA na Journée Nationale des Jeunes Apocalypse. Andro natokana ho antsika tanora izy io ary ny Sampana Tanora Nasionaly no miandraikitra ny fanatontosana azy.

Fotoana ahafahantsika mifanerasera, miala voly, mampitombo ny firaisan-kina sy ny fitiavana eo amintsika tanora Apokalypsy ny JNJA. Asaina andray anjara amin’izany avokoa ny zatovo sy tanora Apokalypsy rehetra feno 15 taona, na ny eto Madagasikara izany, na isika aty ampitan-dranomasina. Mandritra ny fotoana rehetra hanaovana ny JNJA dia maro be ireo hetsika ahafahantsika mandray anjara: hetsika ara-kolontsaina toy ny festival sy ny fampisehoana, ny fanatajahan-tena (tournoi de basket, foot, volley, pétanque sns), ny fialamboly maro samihafa ary ny seminera ho antsika tanora.

Eto Antananarivo no hatao ny hetsika ary ao amin’ny Lycée Technique Alarobia isika no mivantana. Aza adinoina ny mitondra vary 3kg sy vola 12.000 Ar na 60.000 fmg. Dieny izao àry dia soraty any amin’ny mpiandraikitra tanora eo amin’ny fiangonana Apokalypsy misy anao ny anaranao. Aza adinoina fa amin’ny 30 Jolay 2012 no fara fandraisana ny lisitr’ireo tanora handray anjara amin’ny hetsika. Amin’ny 05 Septambra izany no fotoana koa samia miomana ary entano avokoa ny namana rehetra fa tanora mihisa 1500 no hanatrika io fotoan-dehibe io ka hanenina izay tsy ho avy! Hiaraka amintsika amin’izany rahateo ny Pasteur Mailhol.

“Koa tanteraho ny fifaliako, ny mba hiraisanareo saina”

11- Miaraka kanefa mifanalavitra be!

Mety ve ny miaraka kanefa mifanalavitra ve ny toerana ?

« …Bonsoir ianareo ! Saika mba hanotany fotsiny zah, ry zoky hoe, mety ve kay izany olona 2 miaraka nefa tena mifanalavitra be mihintsy ny toerana ? misaotra , dia bonne nuit ianaero… »

Izay no fanotaniana nalefan’ny namantsika anakiray, ka izao no mety ho valiny….

Anisan’ny olana sedrain’ny mpifankatia ny fisarahan-toerana, Ny hilazàna hoe mety ve sa tsy mety ve izany dia miankina aminareo na ny anakiray aminareo roa ihany ! 

Raha olona nivahiny teo aminao no niarahanao kanefa tsy maintsy hiverina any an-tany lavitra misy azy izy, dia hoy aho hoe « ho sahirana ianareo », fa « nankatia vahiny hono, ka mbola tia dia ilaozany » (Ohabolana Gasy io). Ny fiarahana dia dingana iray hifankafantarana sy hanomanana ny tokatrano, ahitana fifampiresahana, fifanampiana sy fifankafantarana ary fifampikasohana ihany koa… koa raha lavitra be ny elanelana dia « malaza tsy ihinana toy ny vilian-tsahona » fotsiny ilay fiarahana, tsimaintsy hisy anakiray ho matiantoka eo, na ianao na izy !.

09- Mankaleo be ny ato an-trano

09-fanotaniana :Te hiala ato antranonay aho, fa leo be ! inona no ataoko ?

Sarotra be izany resaka izany, inona ilay mankaleo anao ? fahantrana ? adilava ? bedy ? Samy mizaka an’izany daholo, na izahay taloha aza ! fa izao :

Andraso kely aloha, aleo miresaka, resaho amin’i Neny na i Dada, na mpanabe na havana akaiky fa misy olana be zany ao matoa misy anakiray tsy tamana. Tsy afaka manoro hevitra firy izahay satria tsy ampy ilay fanazavana , fa tsotra ihany no lazaina : Tandremo , aza manao izany ! fa ho loza kokoa ny manjo raha miala tao ianao ! Aleo miresaka sy mitady sosokevitra any amin’ny olona (namana, mpanabe, havana sns)

07- Tsy mety hadinoko ilay voalohany

07-tsy apokalypsy aho, fa mpanaraka ny emission nareo matetika, izao ny olako, efa manambady aho kanefa tsy mety hadinoko mihintsy ilay sipako voalohany ! (lehilahy aho)

Woaouuu ! vehivavy no matetika tratran’izany olana izany, fa sambasamba vao nisy lehilahy. Misaotra ihany koa fa mba tena tsy mialonjafy marina ny radio fanambarana.

Izao r’ise a ! Tsy voatery ho hadino avokoa akory ireo olona izay niarahana fahiny ! fa indraindray mba tsaroana ihany, saingy tandremo sao mampihena ny fitiavanao ny vadinao izany, na koa mahatonga anao handeha hijangajanga, marina fa J.K irery ihany no mahavaha mivantana ny olana, saingy ireto misy torohevitra tsotra mety ahatonga anao hitia bebe kokoa ny vadinao :

Diniho tsara ny vadinao, fantaro ireo zavatra mahafinaritra (REHETRA) ataony anao , na ireo toetra mahafinaritra itiavanao azy , izay tinao hatao tamin’ilay sipanao taloha dia ataovy amin’ny vadinao kosa, dia ISAORY ny tompo hoe « misaotra anao aho ry Tompo fa nomenao ity vadiko ity, fa fantatro fa matoa ity no lasa vadiko dia satria izay no tena mahasambatra ahy, fa mety ho idiran-doza na ho ratsy noho izao  sns aho raha ilay sipako taloha no lasa vadiko) mdr ! mba sangy ny ahy e ! fa matoa ianareo roa no tsy nivady dia satria hoy ny Tompo hoe : tsy mety ! » Fa ilay vadinao izao no tena « am le Oui » ho anao ! ankafizo izy e ! dia ho hadinonao tsikelikely ilay talou !

06-Mahazo miaraka amin'ny tsy mpiara-mivavaka?

05- Fanotaniana : Zoky a ! mahazo miaraka amin’ny olona tsy mpiara-mivavaka ve ? sady vitsy loatra ny lehilahy ato..

Ianao kosa e ! mbola betsaka no tsy manambady ato, ary betsaka amin’izireo no  « bandy bôgôsy sady be detanty »  fa aza maika manary toky, mahita bandy mahafinaritra any ivelany indray dia mitady excuse a !

Aza manao an’izany moa e, Mbola ho tafita anie ireo bandikelintsika ireo e !

05-Fa maninona no mbola misy mamporafy foana?

05-Fanotaniana : Fa maninona ny vehivavy na ny lehilahy … kristiana… no mbola misy mamporafy foana ?

Tsy hoe rehefa mpivavaka Kristiana dia azo itokisana daholo, ary koa ny olona mamporafy ao ampiangonana dia tahaka ny olona mpandainga , mpankahala olona, snsns ihany koa, tsy maintsy misy ny toa izany na fiangonana aiza no alehanao na fiangonana aiza... (ary azo sitranina tsara anefa izany toetra izany)

Ny fanotaniana tokony hipetraka izao dia ny hoe « inona no ataoko mba ahatonga ny olontiako tsy hamporafy ahy ? » kanefa mbola lavalava ny valin’izay fa jereo any amin’ny article hafa any ! Risque ny mitia e ! d ankino amin’Jesosy Kristy ny fiainana fa izy afaka « miaro izay anjaranao » araka ilay hira fanao isaky ny tso-drano iny hoe « arovy tsy ho very izay anjarako »!